Wednesday, September 22, 2004
Stop Over
Malayo na ang natatakbo ng ating kotse.
Pawis na ang aking kamay sa manibela,
Ngalay ang paa sa pagtapak sa silinyador.
Napagod na akong kumanan at kumaliwa.
Malayo pa ba ang ating tatahakin?
Malayo na ang natatakbo ng ating kotse.
Ilang taon na tayong dalawa'y magkasama.
Ano kaya kung huminto muna sandali?
Tapakan ang preno, kabigin ang handbreak
At pagpahingahin ang humagos na makina.
Malayo na ang natatakbo ng ating kotse.
Sa muling pagtakbo, buksan ang bintana
At papasukin ang panibagong hangin.
Tanggalin ang sarili mula sa seatbelt
Na umiipit sa ating dibdib at maging malaya.
Malayo na natatakbo ng ating kotse.
Ilang taon na tayong dalawa'y magkasama.
Panahon na para sa panibagong hangin
At umuwi na ng hindi magkasama
4:36 AM
|
